Planti lida raun long wold long Australia, Pasifik ibin salim tok hamamas blong ol igo long ol Papua New Guinea pipol long makim 50 yia independens na King Charles long England tu imekim wankain.
Taim em ibin stap Prince Charles long 1975, em ibin makim mama blong em Queen Elizabeth na igo long PNG long 1975 long taim blong independens.
Displa taim em ibin go long Simbu provins na bungim ol lida na pipol long provins.
Long displa wik, taim PNG imakim 50 yia independens, liklik brata blong em, Duke of Edinburgh ibin makim em na igo long PNG.
Tasol King Cahrles ino lusim tingting long kantri na salim displa toktok blong em long ol PNG pipol.
King Charles itok PNG igat planti gutpla kalsa na pasin tumbuna na tu bus, graun na solwara we bai lukautim kantri nau na igo bihain taim.
Em itok PNG imas proud na hamamas long 50 yia emi stap independent maski em igat ol salens tu long divelopmen.