Foma professional tennis player husat inau wanpla tennis coach, Abigail Tere-Apisah itok igat planti salens istap long sait long developim sport blong tennis long Papua New Guinea.
Em itok igat salens long sait long moni, liklik namba blong ol players na sapot em imekim hard long sait long developim displa sport blong tennis long PNG.
Tasol Abigail itok, experience blong em long pilai long top levol na ol trening em ibin gat i givim em konfidens long help long developim displa sport long kantri.
Olsem wanpla wei blong mekim ol pikinini igat interest long tennis, em i bringim 13pla pikinini kam long pilai long wanpla tonamen long state blong Victoria na ikam lukluk long Australian Open tu we igohet hia long Melbourne.