Solomon Islands and Vanuatu tufala risivim luksave olsem “White Level” long disfala Oceania Tennis Federation AGM long Melbourne olsem part blong National Training Centres and komitmen fo mekem strong moa tennis development.
Long saet long Solomon Islands, hem getem luksave long hostim fest eva West Pacific Regional Championship long Honiara disfala wiken wetem players from Fiji, Vanuatu and Papua New Guinea.
Tournament Director, Vinda Teally hem talem niusmere Crisnrita Aumanu Leong, se bad weather long Honiara hem mekem olketa sotem olketa matches.
Hem se long saet long olketa Solomon Islands, olketa hope fo duim seleksen from disfala tonament ia fo fomim wanfala junior team blong olketa U-12, U-14 and U-16.