Southern Rangers Football team blong Southern region blong Bougainville em i wok long kamap olsem wanpla unit we em i save bungim displa region blong Bougainville long peace na unity.
Displa Southern Rangers team em oli makim long ol players blongen long ol soka team blong ol 4pla district blong Buin, Torokina, Bana na Siwai we i save pilai long displa South Bougainville Member’s Cup tonament.
Co-ordinator blong displa tonamen, James Mitta itok bikpla tingting longen em long Southern Rangers i pilai insait long PNG Football Association championship.
Em itok ol Southern Rangers ibin pilai gut tru na i runner up long wanpla tonamen oli pilai longen past yia long Kokopo long East New Britain, na oli draw tu agensim wanpla Solomon Islands team long Buin last Septemba.
James Mitta itoktok pastaim long bikpla tingting blong MP blong South Bougainville na PNG Minista blong Information na Communication Technonoly, Timothy Masiu long developim football long region blong em.