{"id":421411,"date":"2026-05-02T07:16:11","date_gmt":"2026-05-02T07:16:11","guid":{"rendered":"https:\/\/www.newsbeep.com\/il\/421411\/"},"modified":"2026-05-02T07:16:11","modified_gmt":"2026-05-02T07:16:11","slug":"igipolisi-ca-israel-cahagaritse-umugabo-yateye-umubikira-i-jerusalem-akamukubita-hasi","status":"publish","type":"post","link":"https:\/\/www.newsbeep.com\/il\/421411\/","title":{"rendered":"Igipolisi ca Israel cahagaritse umugabo yateye umubikira i Jerusalem akamukubita hasi"},"content":{"rendered":"<p>Play video, &#8220;Video shows attack on French nun in Jerusalem&#8221;, Umwanya bimara 0,2800:28<img decoding=\"async\" src=\"https:\/\/www.newsbeep.com\/il\/wp-content\/uploads\/2026\/05\/p0nhwbmc.jpg.webp.webp\"  alt=\"\" loading=\"eager\" style=\"aspect-ratio:auto\" class=\"css-ey0vwc\"\/>Insiguro ya video, Igipolisi ca Israel casohoye videwo yerekana umubikira w&#8217;Umufaransakazi aterwa Ibiranga iyi nkuru<\/p>\n<p dir=\"ltr\" class=\"css-tmqcq9 eea635z0\">Hari video ibabaje cane yahanahanywe yerekana umubikira w&#8217;Umufaransakazi akubitwa hasi  &#8211; n&#8217;uwushobora kuba ari umunyadini y&#8217;Abayahudi \u2013 mu karere k&#8217;Ubuseruko bwa Yeruzalemu kigaruriwe n&#8217;Abayahudi muri Israel muri ino ndwi.<\/p>\n<p dir=\"ltr\" class=\"css-tmqcq9 eea635z0\">Yerekana uno mugabo aturuka inyuma uno mubikira maze aramusunura n&#8217;inguvu aca akubita umutwe ku gisimasima c&#8217;amabuye. Ahejeje kumukubita hasi, uno mugabo yari yambaye imyambaro izwi nka kippah na tzitzit \u2013 imyambaro y&#8217;imigirwa y&#8217;idini y&#8217;Abayahudi \u2013 aboneka amuva iruhande ariko mu nyuma agasubira inyuma maze amutera umugere aryamye hasi.<\/p>\n<p dir=\"ltr\" class=\"css-tmqcq9 eea635z0\">Iki ni igitero kibaye mu gihe haherutse kwibonekeza ikubagurwa ry&#8217;abarongoye Ekleziya hamwe n&#8217;abari mu ngendo nyeranda mu gisagara ca Yeruzalemu, ikubagurwa rikorwa n&#8217;abayahudi bagendera ku vyiyumviro bikaze.<\/p>\n<p dir=\"ltr\" class=\"css-tmqcq9 eea635z0\">Igipolisi ca Israel caciye gihagarika uno mugabo w&#8217;imyaka 36 kimwagiriza igitero gishingiye kw&#8217;ivangura ruhu, ariko gushika ubu nta rubanza aracirirwa.<\/p>\n<p>Komeza usome<\/p>\n<p dir=\"ltr\" class=\"css-tmqcq9 eea635z0\">Patiri Olivier Poquillon arongoye ishure ry&#8217;Abafaransa ryigisha Bibiliya, French Biblical and Archaeological School, ari na ho uno mubikira asanzwe akorera nk&#8217;umushakashatsi, yanditse ku rubuga rwa X ko uno mubikira &#8220;yakorewe iki gitero kitagira ishingiro&#8221; ku muhingamo wo ku wa Kabiri.<\/p>\n<p dir=\"ltr\" class=\"css-tmqcq9 eea635z0\">Yongeyeko ati: &#8220;Turiyamirije twivuye inyuma ubu bugizi bwa nabi bushingiye kw&#8217;idini, tukizera ko vuba abategetsi bazofata ingingo ruhasha&#8221;.<\/p>\n<p dir=\"ltr\" class=\"css-tmqcq9 eea635z0\">Igipolisi ca Israel cahagaritse uno mugabo ku wa gatatu gica gisohora videwo imwerekana ariko yambikwa amapingu.<\/p>\n<p dir=\"ltr\" class=\"css-tmqcq9 eea635z0\">Mw&#8217; itangazo ryacishijwe ku mbuga hwaniro, igipolisi ca Israel kivuga ko gifata &#8220;igitero ico ari co cose gikozwe ku barongoye amadini n&#8217;imiryango y&#8217;amadini nk&#8217;ikibi gikomeye cane&#8221; kandi ko gishira mu ngiro &#8220;poritike yo kutihanganira na gato ibikorwa vyose vy&#8217;ubugizi bwa nabi&#8221;.<\/p>\n<p dir=\"ltr\" class=\"css-tmqcq9 eea635z0\">Harasohowe ifoto y&#8217;uno mubikira imwerekana yakubaguritse mu maso.<\/p>\n<p dir=\"ltr\" class=\"css-tmqcq9 eea635z0\">Ubuserukizi bw&#8217;Ubufaransa i Yeruzalemu buvuga ko bwiyamirije bwivuye inyuma &#8220;iki gitero&#8221;.<\/p>\n<p dir=\"ltr\" class=\"css-tmqcq9 eea635z0\">Mu nyuma ubushikiranganji bwa Israel bujejwe imigenderanire bwanditse kuri X buti: &#8220;Iki gikorwa giteye isoni giteye kubiri n&#8217; indangagaciro yo kwubahana, kubana neza be n&#8217;umwidegemvyo mu vyo kwemera ari na vyo Israel yubakiyeko kandi yubahiriza cane.<\/p>\n<p dir=\"ltr\" class=\"css-tmqcq9 eea635z0\">&#8220;Israel irabandanya gukingira umwidegemvyo mu vyo amadini no mu vyo kwemera mu madini yose, kandi igakora uko ishoboye kwose kugira ngo Yeruzalemu igume ari igisagara kibamwo abantu, bagasenga kandi bakagendera ukwemera kwabo mw&#8217;iteka n&#8217;itekane&#8221;.<\/p>\n<p dir=\"ltr\" class=\"css-tmqcq9 eea635z0\">Mu gihe ubu bugizi bwa nabi kuri uno mubikira ari ikintu kidakunze kwibonekeza, mu myaka iheze mu Gisagara ca Kera ca Yeruzalemu hagiye habaho ibihe vyinshi, aho Abayahudi bagendera ku migenzo y&#8217;idini yabo bacira amate banakubagura abantu bambaye umwambaro canke ibimenyetso vya gikristu.<\/p>\n<p dir=\"ltr\" class=\"css-tmqcq9 eea635z0\">Amashengero avuga ko ibigo vyayo biriko biraterwa vyongera vyigarurirwa, akagiriza Israel ko iriko  irondera guhindura amasezerano asanzwe ahari kuva kera akingira uburenganzira bwayo ku bibanza vyeranda.<\/p>\n<p dir=\"ltr\" class=\"css-tmqcq9 eea635z0\">Raporo yo mu 2025 y&#8217;Ikigo Rossing gikorera i Yeruzalemu kigamije guteza imbere umubano mwiza hagati y&#8217;amadini mu gihugu, yerekanye &#8216;ukwiyongera kw&#8217;urwanko ku mugaragaro kw&#8217;idini rya gikirisitu&#8217;.<\/p>\n<p dir=\"ltr\" class=\"css-tmqcq9 eea635z0\">Mu kwezi kwa gatatu, amakungu yariyamirije abapolisi ba Israeli igihe babuza umuyobozi mukuru wa Ekleziya Katorika i Yeruzalemu kwinjira mu rusengero rw&#8217;Imva Nyeranda kugira ngo aremeshe Imisa ku musi w&#8217;Imana w&#8217;Ibisandasanda. Uno muyobozi yavuze ko ari &#8220;ubwa mbere mu binjana&#8221; ivyo vyabaye.<\/p>\n<p dir=\"ltr\" class=\"css-tmqcq9 eea635z0\">Igipolisi cavuze ko cabikoze ku mvo z&#8217;umutekano kubera intambara ya Irani. Ariko amategeko ico gihe yaremera amakoraniro mato mato.<\/p>\n<p dir=\"ltr\" class=\"css-tmqcq9 eea635z0\">Mu kwezi guheze, isanamu yerekana umusirikare wa Israel akubita igishusho ca Yezu n&#8217;inyundo mu gisagara c&#8217;Abakristu b&#8217;Abamaronite mu bumanuko bwa Liban yarakwiragijwe ku mbuga hwaniro, ivyateje uburakari burenze. Abategetsi ba Israeli barasavye imbabazi, abasirikare babiri babigizemwo uruhara bahanishwa umunyororo w&#8217;imisi 30 mw&#8217;ibohero rya gisirikare bongera bakurwa mu bikorwa vy&#8217;intambara.<\/p>\n<p dir=\"ltr\" class=\"css-tmqcq9 eea635z0\">Uno mubikira yakozweko iki gitero igihe yari aciye hafi y&#8217;i Cenacle iri ku musozi wa Siyoni, hafi y&#8217;impome z&#8217;Igisagara ca kera ca Yeruzalemu. Iki ni ikibanza ceranda ku bakristu \u2013 gifatwa ko ari ikibanza c&#8217;Ifunguro rya nyuma rya Yezu Kristu \u2013 mu gihe Abayahudi nabo bagifata ko ari co kibanza c&#8217;imva y&#8217;Umwami Dawudi avugwa muri Bibiliya.<\/p>\n","protected":false},"excerpt":{"rendered":"Play video, &#8220;Video shows attack on French nun in Jerusalem&#8221;, Umwanya bimara 0,2800:28Insiguro ya video, Igipolisi ca Israel&hellip;\n","protected":false},"author":2,"featured_media":421412,"comment_status":"","ping_status":"","sticky":false,"template":"","format":"standard","meta":{"footnotes":""},"categories":[2],"tags":[85,46,43],"class_list":["post-421411","post","type-post","status-publish","format-standard","has-post-thumbnail","category-israel","tag-il","tag-israel","tag-news"],"_links":{"self":[{"href":"https:\/\/www.newsbeep.com\/il\/wp-json\/wp\/v2\/posts\/421411","targetHints":{"allow":["GET"]}}],"collection":[{"href":"https:\/\/www.newsbeep.com\/il\/wp-json\/wp\/v2\/posts"}],"about":[{"href":"https:\/\/www.newsbeep.com\/il\/wp-json\/wp\/v2\/types\/post"}],"author":[{"embeddable":true,"href":"https:\/\/www.newsbeep.com\/il\/wp-json\/wp\/v2\/users\/2"}],"replies":[{"embeddable":true,"href":"https:\/\/www.newsbeep.com\/il\/wp-json\/wp\/v2\/comments?post=421411"}],"version-history":[{"count":0,"href":"https:\/\/www.newsbeep.com\/il\/wp-json\/wp\/v2\/posts\/421411\/revisions"}],"wp:featuredmedia":[{"embeddable":true,"href":"https:\/\/www.newsbeep.com\/il\/wp-json\/wp\/v2\/media\/421412"}],"wp:attachment":[{"href":"https:\/\/www.newsbeep.com\/il\/wp-json\/wp\/v2\/media?parent=421411"}],"wp:term":[{"taxonomy":"category","embeddable":true,"href":"https:\/\/www.newsbeep.com\/il\/wp-json\/wp\/v2\/categories?post=421411"},{"taxonomy":"post_tag","embeddable":true,"href":"https:\/\/www.newsbeep.com\/il\/wp-json\/wp\/v2\/tags?post=421411"}],"curies":[{"name":"wp","href":"https:\/\/api.w.org\/{rel}","templated":true}]}}