Mangbukbukel ti United States military kadagiti baro a contingency plan kontra Iran, partikular iti depensana iti Strait of Hormuz, no bilang saan nga agballigi ti ceasefire.
Karaman kadagiti opsyon ti maaw-awagan a ‘dynamic targeting’ kontra iti kabaelan ti Iran kadagiti kabangibangna a lugar kas ti southern Arabian Gulf ken Gulf of Oman, agraman ti panagraut kadagiti fast attack boats, naval mines, ken dadduma pay nga asymmetric assets nga ar-aramaten ti Iran tapno kontrolen dagiti napateg a ruta iti kabaybayan.
Maysa pay nga opsyon ket ti panang-target kadagiti indibidual a lider-militar ti Iran a maibilbilang a manglaplapped iti negosasyon, agraman ti Ahmad Vahidi.
Malaksid dayta, mabalin nga ituloy ti Amerika ti panagatake kadagiti nabatbati a puersa ti military kas ti missiles, launchers, ken production facilities. Â